Настан во село Пожаране кој заслужува посебно и должно внимание. На ден 10 октомври 2012 година во попладневните часови, повеќе вековното дрво кое беше сведок на многу случувања, настани и личности и кое одбележуваше едно минато време на селото под „Шара“ -падна.
 |
| Чинарот по неговиот пад |
Симболот на Пожаране- Чинарот, со латинско име Platanus orientalis беше висок над 20 метри, распонот на гранките исток-запад , север- југ повеќе од 15 метри и со огромен пречник на стеблото во корен. Според легендите и преданијата, пожаранци верувале дека Чинарот го засадиле учениците на „Св Климент Охридски“ кој кога поминувал по патот „Виа Игнација“ престојувал во месноста „Климентија“ . И навистина, научно е потврдено дека староста на дрвото е приближна со онаа на доаѓањето на „Св Климент“ тука во месноста „Климентија“ на село Пожаране, или пред околу 850 години.
 |
| Коренот, стеблото и гранките на чинарот
Чинарот отсекогаш бил омилено место за среќавање и дружење. Тука на ова место за време на велигденските празници, овој чинар преставувал чадор под чии крошни закрила барале младите невести променети во свечени селски носии како и останатите помлади и постари жители на село Пожаране, каде од раните утрински часови па до доцна навечер, придружувани од писокот на зурлите и татнежот на тапаните се пееле велигденски песни, собирале пролетни цветови и се нишале на нишалките поставени на огромните ветки на дабовото дрво..
|
 |
| Остатоци од паднатиот чинар |
„Од падот на чинарот дури и земјата се затресе. Прилично вознемирени излеговме од своите домови за да видиме што навистина се случи во тој момент“-беше коментарот на еден повозрасен жител на селото.
Чинарот во село Пожаране преставуваше извонредна природна реткост, и токму затоа требаше да добие заштита и грижа од државата. Тој воедно беше и достоен примерок за височината и ширината на природата и селото Пожаране.
 |
| Отсекогаш ова место било атрактивна локација за посетители и викедаши |
За жал бронзените споменици и понатака останаа поважни од спомениците на природата. Бидејќи во својата многувековна историја овој чинар видел многу човечки радости и маки, сметав дека е потребно, вистината за неговото постоење јавно да ја објавам на страниците на интернет и со тоа истата стане достапна до сите пожаранци и пријатели на село Пожаране, било и каде да се во светот.
 |
| Околината на чинарот изобилува со природни убавини |
Дали падот на чинарот во иднина ќе се прикажува како божји прекор за човечката негрижа кон ваквиот дар на природата и исклучителната природна реткост, или можеби е господов предзнак за нешто ново и убаво што би можело во иднина да се случува во месноста „Климентија“ на ова село, останува да видиме.
________________________
Боге В. - автор на текстот
Преостанати блогови за село Пожаране:
________________________
Боге В. - автор на текстот
Преостанати блогови за село Пожаране:
